Batuan Ang Dengue: Balasahon

Sang nagligad nga Mayo 29, gin-anunsyar sang Philippine Atmospheric, Geophysical, and Astronomical Services Administration (PAGASA) ang pag-umpisa sang tig-ululan sa pungsod. Suno man PAGASA, may dako nga tyansa nga sa mga masunod nga mga binulan, maka-eksperyensya ang pungsod sang La Niña.

Gani, indi lang baha kag bagyo ang kinahanglan naton handaan kundi pati na ang mga dala sini nga sakit kaangay sang #Dengue.

Humalin Enero 1 tubtob Hunyo 15, may yara na sang masobra 77,800 nga kaso sang dengue ang narekord sang Department of Health (DOH) sa bug-os nga pungsod, 15% nga mas mataas kumpara sa kapareho nga panahon sang nagligad nga tuig. Suno sa DOH Western Visayas, humalin Enero 1 tubtob Hunyo 22 sini nga tuig, masobra 4,000 (25% nga mas mataas kumpara sa kapareho nga panahon sang nagligad nga tuig) na ang kaso sang dengue sa rehiyon kung sa diin 10 ang mga napatay.

Para punggan ang pagtaas sang dengue, yari ang isa ka balasahon natuhoy sa dengue nga ginbalhag sang Panay Center for Disaster Response, Inc.

Download pdf file HERE.